भांगरभूंय | प्रतिनिधी
पणजीः भलायकी सेवा संचालनालयाच्या भलायकी शिक्षण मंडळान कळीत केला की 2024- 25 वर्साच्या एएनएम (ANM) परिचारिका अभ्यासक्रम प्रवेशा खातीर अर्ज आनी म्हायती पुस्तीका संस्थेच्या www.nursinginstitutegoa.org आनी http://www.dhsgoa.gov.in ह्या संकेतथळाचेर उपलब्ध आसात. एएनएम परिचारिका अभ्यासक्रम प्रवेशा खातीरचे पुराय भरिल्ले अर्ज आवश्यक दाखल्यां सयत स्विकारपाची निमाणी ता. 25 जून 2024 सांजेची 4.00 मेरेन आसा.
तशेंच एम. एससी. नर्सिंग (MSC Nursing) आनी पोस्ट बेसिक डिप्लोमा नर्सिंग (Post Basic Diploma Nursing) 2024-2025 वर्साच्या अभ्यासक्रम प्रवेशा खातीर अर्ज आनी म्हायती पुस्तीका ता. 1 जुलय 2024 सावन नर्सिंग शिक्षण संस्था, बांबोळें हांगा कार्यालयीन कामाच्या वेळेत म्हळ्यार सकाळी 10.00 ते सांजेची 4.00 वरां मजगतीं आनी शेनवारा सकाळीं 10.00 ते दनपारां 12.00 वरां मजगतीं विकपाक उपलब्ध आसतली, अशें भलायकी सेवा संचालनालयाच्या भलायकी शिक्षण मंडळान कळीत केला. चड म्हायती खातीर संस्थेच्या https://www.nursinginstitutegoa.org वा https://www.dhsgoa.gov.in. ह्या संकेतथळाक भेट दिवची.
एम. एससी. नर्सिंग आनी पोस्ट बेसिक डिप्लोमा नर्सिंग अभ्यासक्रम प्रवेशा खातीरचे पुराय भरिल्ले अर्ज आवश्यक दाखल्यां सयत स्विकारपाची निमाणी तारीख 16 जुलय सांजेची 4.00 मेरेन आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
