भांगरभूंय | प्रतिनिधी
तुषार उसगांवकारः कोयर प्रकल्पाचें उक्तावण
भांगरभूंय । प्रतिनिधी
फोंडें: उसगांव पंचायत कोयर मुक्त करचे खातीर लोकांनी आदार करपाची गरज आसा. कोयर प्रकल्पाक लागून पंचायत वाठारांतली कोयराची समस्या सुटावी जातली. ताका लागून पंचायत मंडळाचे मागणे प्रमाण उसगांव कोमुनिदाद समितीन वयलो निर्णय घेवन प्रकल्पा खातीर जमीन उपलब्ध करून दिली, अशें कोमुनिदाद समितीचे अध्यक्ष तुषार उसगांवकार हांणी सांगलें.
उसगांव पंचायती वतीन 1 कोटी 70 लाख रुपया खर्च करून उबारिल्ल्या कोयर प्रकल्पाचें उक्तावण तुषार उसगांवकार हांचे हस्तुकीं जालें. ह्या वेळार ते उलयताले.
ह्या सुवाळ्याक पंचायत खात्याचे उपसंचालक प्रसिद्ध नायक, सरपंच रामनाथ डांगी, पंच नरेंद्र गांवकार, मनिषा उसगांवकार, विलियम मास्कारेन्हस, रेश्मा मटकार, प्रकाश नायक, संजय गावडे, विनोद मास्कारेन्हस, गोविंद परब, पंचायत सचीव प्रसाद शेट आनी गांवचें हेर लोक हाजीर आशिल्ले. उसगांव पंचायत वाठारांत कोयराची समस्या सुटावी करचे खातीर पंचायत मंडळान कोयर प्रकल्प उबारपाचो निर्णय घेतलो. ताका मुख्यमंत्री प्रमोद सावंत, मंत्री मॉवीन गुदिन्हो आनी हेर मानेस्तांनी बरो आदार केला. कोयर प्रकल्प सुरू केल्ल्यान एक दीस सोडून ओलो कोयर एकठांय करतले. सुमार देड टन कोयराचो विलो ह्या प्रकल्पांत दर दिसा लायतलो, अशीय म्हायती उसगांवकार हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
