भांगरभूंय | प्रतिनिधी
फोंडें: उसगांवां पुला लागसार आयतारा स्कुटर रस्त्यार निसरून जाल्ल्या अपघातांत गंभीर जखमी जाल्ले स्कुटर चालक विजय गुरव (भामय- पाळी) हांकां उपचारा मजगतीं आयज सोमारा सकाळीं मरण आयलें. अपघातांत स्कुटरी फाटल्यान बशिल्लो मुकुंद नायक (भामय – पाळी) हे जखमी जाल्यात.
मेळिल्ले म्हायती प्रमाण, आयतारा सांज वेळार सुमार ४ वरांचेर जीए-०४-झेड -३८१८ नंबराचे स्कुटरी वयल्यान ते तिस्क -उसगांवच्यान भामय वताले. उसगांवा पुला लागसार पावले उपरांत स्कुटर निसरून दोगूय जखमी जाले. जखमींक रोखडेच १०८ ऍम्बुलन्सींतल्यान पिळयें मुळाव्या भलायकी केंद्रांत व्हेले. अपघातांत गंभीर जखमी जाल्ले विजय हांकां फुडल्या उपचारा खातीर गोमेकाँत दाखल केले. सोमारा सकाळीं उपचार सुरु आसतना ताका मरण आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
