भांगरभूंय | प्रतिनिधी
फोंडें, प्रतिनिधी: उसगांव पंचायती वतीन १ कोटी ७० लाख रुपया खर्च करून उबारिल्ल्या कोयर प्रकल्पाचें उक्तावण उसगांव कोमुनीदाद समितीचे अध्यक्ष तुषार उसगांवकार हांचे हस्तुकीं जालें.
ह्या वेळार पंचायत उपसंचालक प्रसिद्ध नायक, सरपंच रामनाथ डांगी, पंच नरेंद्र गांवकार, मनीषा उसगांवकार, विलियम मस्कारेन्हास, रेश्मा मठकार, प्रकाश नायक, संजय गावडे, विनोद मास्कारेन्हास, गोविंद परब, पंचायत सचीव प्रसाद शेट आनी हेर हाजीर आशिल्ले.
उसगांव पंचायत वाठारांतली कोयराची समस्या सुटची ह्या हेतान पंचायतीन कोयर प्रकल्प उबारपाचो निर्णय घेतला. हाका मुख्यमंत्री प्रमोद सावंत, भलायकी मंत्री विश्वजीत राणे आनी पंचायत मंत्री मावीन गुदीन्हो हांणी सहकार्य दिलें. कोयराचो प्रकल्प सुरु केल्ल्यान एक दीस सोडून ओलो कोयर एकठांय करतले. सुमार देड टन कोयराचो विलो दर दिसा लायतले. उसगांव पंचायत कोयर मुक्त करपा खातीर लोकांनी सहकार्य करपाची गरज उसगांवकार हांणी उक्तायली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
