भांगरभूंय | प्रतिनिधी
फोंडें, प्रतिनिधी ः उसगांव कोमुनिदाद समितीचे खजिनदार प्रवीण शंकर प्रभू उसगांवकार (53, शांतिनगर- फोंडें) हांकां मारपेट केल्ल्या प्रकरणांत फोंडें पुलिसांनी विराज श्रीपाद प्रभू आनी अक्षय उमेश प्रभू (दोगूय उसगांवचे) हांचे आड गुन्यांव नोंद केला. कागाळदाराच्या खांदार गंभीर जखम जाल्या.
प्रवीण प्रभू उसगांवकार आनी हेर कांय जाण बिरेस्तारा दनपारां सुमार 1.30 वरांचेर कसल्ले – उसगांवच्या सर्वेक्षण क्रमांक 221/1 हांगा बेकायदेशीर सुरु आशिल्ल्या बांदकामाची पळोवणी करपाक गेल्ले. त्या वेळार दुबावितान प्रवीणाक मारपेट करून ताचो मोबायल आनी वक्लाचें लुकसाण केले. बिरेस्तारा रातीं उसरां प्रवीण हांणी दोनूय दुबावितां आड कागाळ केली. शुक्रारा रातीं उसरां पुलिसांनी गुन्यांव नोंद करुन घेतलो.
फोंडेंचे निरिक्षक तुषार लोटलीकार हांच्या मार्गदर्शना खाला उपनिरीक्षक नितेश काणकोणकार ह्या प्रकरणाची फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
