भांगरभूंय | प्रतिनिधी
फोंडें: नाणूस- उसगांवां सोमारा सकाळीं ट्रका सयत दोन दुचाकी मदीं जाल्ल्या अपघातांत स्कुटर चालक तरणाटी जखमी जाली. अपघातांत स्कुटरी फाटल्यान बशिल्लो ल्हान भुरगो किरकोळ जखमी जालो. अपघातांत स्कुटरीचो पुराय खुर्दो जालो. जखमी तरणाटेचेर हॉस्पिटलांत उपचार चालू आसात. फोंडें पुलिसांनी अपघाताचो पंचनामो केलो.
मेळिल्ले म्हायती प्रमाण वाळपय वाठारांतल्यान जखमी जाल्ली तरणाटी स्कुटरी वयल्यान (जीए 04 जे 8491) फोंड्यां वताली. सकाळीं 7.30 वरांच्या सुमाराक नाणूस वाठारांत खडी व्हरपी ट्रकाक ओव्हरटेक करपाच्या नादांत मुखा वयल्यान आयिल्ले एके दुचाकीचो धपको स्कुटरीक बसलो. ते उपरांत स्कुटरीचो धपको खडी व्हरपी ट्रकाक बसको. अपघातांत स्कुटरीचो पुराय चुरो जालो. जखमीक रोखड्या रोखडी पिळये मुळाव्या भलायकी केंद्रांत दाखल केली. ते उपरांत अदीक उपचारा खातीर तिका गोमॅकाँत दाखल केली. मजगतीं, गांजे ते उसगांव मेरेनच्या फोंडकुलां पडिल्ल्या रस्त्याचेर सध्या अपघातांनी वाड जाल्या. तशेंच ह्या वाठारांतल्यान येवपी वचपी वाहन चालकांक जीव मुठींत घेवन वच्चें पडटां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.