भांगरभूंय | प्रतिनिधी
भांगरभूंय । प्रतिनिधी
पणजीः रिव्होल्युशनरी गोवन्स पक्षाच्या उसगांव हांगच्या वांगड्यांनी उसगावां चलिल्ल्या कोयर प्रकल्पाचें काम बेगोबेग थांबोवचें अशी मागणी केल्या. गांवच्या लोकांचो ह्या प्रकल्पाक विरोध आसा अशें तांणी सोमाराक पणजे घेतिल्ले पत्रकार परिशदेंत सांगलें.
पंचायत कार्यालयांत ह्या प्रकल्पा विशींचो कसलोच रिकॉर्ड ना. थळाव्या लोकांक हो प्रकल्प तांच्या वाठारांत जाल्लो नाका अशें रोहन नायक हाणे सांगलें. आमी ह्या प्रकल्पा विशींची म्हायती आरआयटी कायद्या खाला मागली. मात ताचो डीपीआर, कितल्या कोयराचेर प्रक्रिया करतले आनी हेर कसलीच म्हायती पंचायत कार्यालयांत उपलब्द ना. तरीय प्रकल्पाचें काम नेटान चल्लां अशें ताणे सांगलें.
ह्या प्रकल्पाची म्हायती काडपाक आमी पंचायत संचालनालय तशेंच गोंय घन कोयर वेवस्थापन म्हामंडळाच्या ऑफिसांत गेले. ताचें कडेन लेगीत ह्या प्रकल्पाची कसलीच म्हायती ना अशें गांवकार ह्या दुसऱ्या एका थळाव्या नागरिकान सांगलें. पंचायत मंडळान ह्या प्रकल्पा विशीं थळाव्या लोकां कडेन पयलीं चर्चा करची आनी काम बंद करचें अशी आमची मागणी आसा मात पंचायत मडळ ताचे कडेन आडनदर करता अशें गांवकार हाणे सांगलें
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
