भांगरभूंय | प्रतिनिधी
मुख्यमंत्री डॉ. सावंत हांचो महाराष्ट्रात प्रचार
पणजी, प्रतिनिधी : प्रधानमंत्री नरेंद्र मोदी हांचे फुडारपणा खाला भाजप सरकार पुराय देशांत उदरगतीचें राजकारण करता. ताका लागुन गोंयांत आनी हेर कडेन विरोधी पक्ष फुडाऱ्यां सयत विरोधी आमदारांनीय भाजपांत प्रवेश केला. महाराष्ट्र आनी गोंयांत डबल इंजीन सरकाराक लागून उदरगत नेटान चालू आसा. फिर एक बार मोदी सरकार हाडपा खातीर प्रत्येकान भाजपाक मतदान करपाक जाय, अशे आवाहन मुख्यमंत्री डॉ. प्रमोद सावंत हांणी केलें.
मावळ (महाराष्ट्र) हांगा भाजप वावुरप्यांचे सभेंत ते उलयताले.
फिर एक बार मोदी सरकार आनी अब की बार चारसौ पार, हे उद्दीष्ट साध्य करपा खातीर प्रत्येक वावुरप्यान वावर करपाचें आवाहन तांणी केलें.
जय शिवाजी…..जय महाराष्ट्र…अशो घोशणा मुख्यमंत्री सावंत हाणी दिल्यो. गोंयां उपरांत महाराष्ट्रात सुद्दा विरोधी आमदारांनी भाजपांत प्रवेश केलो. हे फक्त उदरगतीचें ध्येय मुखार दवरून भाजपात प्रवेश करतात, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
