भांगरभूंय | प्रतिनिधी
लखीमपूर खेरी, खबरां संस्था: एके नेण्टे चलयेचेर तीन दीस बलात्कार केलो आनी तिचो शरिरीक छळ केलो. तो इतल्यानूच थारूंक ना. तिच्या तोंडार तांणी लोखणाच्या रॉडान नांवूय बरयलें. ‘अमन’ अशें नांव तांणी तिच्या तोंडार बरयलें. पिडेस्त चलयेन लग्नाक न्हयकार दिल्ल्यान त्या तरणाट्यान ते नेण्टे चलयेचेर बलात्कार केलो.
आंगार कांटो हाडपा सारकी ही घडणूक खंय घडली?
उत्तर प्रदेशांतल्या लखीमपूर खेरी हांगा ही घडणूक घडली. पुलिसांनी ह्या प्रकरणांत २२ वर्सां पिरायेच्या तरणाट्याक अटक केली. ताचें नांव अमन. अमनाक पुलिसांनी अटक केल्या. पिडेस्त चलयेच्या कुटुंबान दिल्ले कागाळी उपरांत पुलिसांनी गुन्यांव नोंद केलो. तशेंच पुलिसांनी हे चलयेचें व्हिडिओ स्टेटमेंटूय रेकॉर्ड केलां. पुलीस अधीक्षक गणेश शाह हांणी ही म्हयती दिली.
पुलिसांनी दिल्ले म्हायती प्रमाण, अमन हांणे शाळा सोडून तो सलूनांत काम करतालो. हें सलून हैदराबाद आसा. तांणी पिडेस्त चलयेक लग्नाची मागणी घातली. मात ते चलयेन लग्नाक न्हयकार दिलो. हे तिडकीन तांणी ते चलयेचेर तीन दीस बलात्कार केलो. उपरांत तिच्या पोल्यार अमन हें नांव बरयलें. आतां ह्या अमना आड कलम ३२४ आनी कलम ३७६ गुन्यांव दाखल केला, अशी म्हायती पुलीस अधिकारी दिनेश सिंग हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
