भांगरभूंय | प्रतिनिधी
उत्तराखंड, खबरां संस्था: उत्तराखंडच्या रानांनी उजो पेटपाच्यो घडणुको घडतूच आसात. मात हे खेपो लागिल्लो उजो थारपाचें नांवूच घेना. हो उजो रानांतल्यान खुबश्या गांवांनी बरोच नेटान पातळत आसा.
ह्या हंगामांत उत्तराखंडांत उज्याच्यो १११ विंगड विंगड घडणुको घडल्यो. ह्या रानांत उज्याक लागून राज्यांत सुमार १६७.२० हेक्टर जंगले रानां जळून गोबोर जालीं. ह्या उज्याक लागून राज्यभरांत पांच जाणांक आपलो जीव वगडावचो पडलो. हो उजो पालोवपा खातीर रान विभागा वांगडा थळावे लोकूय मेहनत घेतात. उत्तराखंडांतल्या जायत्या गांवांनी उज्याचो हुलोप पावला. गोबोर आनी धुंवराचो परिणाम खेड्यांतल्या घरांचेर दिसून येता. उजो पालोवपा खातीर लश्करांची हेलिकॉप्टरांय वापरतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.