भांगरभूंय | प्रतिनिधी
पणजी : पेडणें म्हालांतल्या उगवेंच्या माऊली देवळा लागसार सुमार ४० वर्सां आदलें उदकाचें पायप परत फुटिल्ल्यान व्हड प्रमाणांत उदकाचो इबाड जालो. ह्या वाठारांतल्या नागरिकांक फाटल्या तीन दिसां सावन उदक नाशिल्ल्यान त्रास सोंसचे पडले.
उदकाचें पायप फुटिल्ल्यान रस्त्यार व्हडा प्रमाणांत उदक व्हांवून गेलें. थळाव्यांनी हे विशीं खर तिडक उक्तायली. सेगीत जावपी गळटेक लागून उदकाची पुरवण वेवस्थेक आडमेळें येता अशें हांगच्या नागरिकांचें म्हणणें आसा.
थळाव्यांनी संबंदीत विभागाकडेन बेगोबेग दुरुस्ती करपाची मागणी केल्ल्यान, पोरणी पायप लायन बदलून नवी घालपाची गरज उक्तायल्या.
मजगतीं, उदकाची पुरवण सुरळीत करपा खातीर संबंदीत विभागा कडल्यान दुरुस्तीचें काम हातांत घेतलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
