उक्ताडार कोयर उडोवप्यांक दितले पुलिशेचे सुवादीन

दुमाणें कोयर प्रक्रिया प्रकल्पा लागसारच्या रस्त्या कुशीक उडयिल्लो कोयर. (संजय कोमरपंत)

भांगरभूंय | प्रतिनिधी

काणकोण नगराध्यक्षः प्रायोगीक तत्वाचेर बसयतले सीसीटीव्ही कॅमेरे

भांगरभूंय । प्रतिनिधी

काणकोणः हे मुखार उक्ताडार कोयर उडोवप्यांक पुलिशेचे सुवादीन दितले, अशी म्हायती काणकोणचे नगराध्यक्ष रमाकांत नायक गांवकार हांणी दिली.

नितळ भारत येवजणे खाला काणकोण नगरपालिकेची राष्ट्रीय पांवड्यार 1850 शारां मदीं एक उत्कृश्ट नगरपालिका म्हूण निवड जाल्या. हो दर्जो तिगोवन दवरचे खातीर काणकोणच्या लोकांनी आदार करचो. खूब जाण रस्त्याचे कुशीक कोयर उडयतात. असो कोयर उडोवपी मेळत जाल्यार तांचेर खर कारवाय जातली, अशी शिटकावणी नगराध्यक्ष नायक गांवकार हांणी दिली. शेनवारा सप्तकी बाजारांत बिनधास्त प्लास्टिकाचो वापर करतात. हाची दखल घेवन काणकोण पालिकेन म्हत्वाच्या 15 सुवातेंचर सीसीटीव्ही कॅमेरे बरोवपाचो निर्णय घेतला. प्रायोगीक तत्वाचेर सध्या पाटण्यां सीसीटीव्ही कॅमेरा बसयला. ताका लागून भौशीक सुवातांचेर कोयर उडोवपी सांपडटले. तांकां उपरांत पुलिशेचे सुवादीन करतले, अशें नायक गांवकार हांणी सांगलें.