भांगरभूंय | प्रतिनिधी
भांगरभूंय । खबरां मेज
पणजीः ईस्टराच्या सप्तकांत दृश्टीच्या लायफ गार्डांनी गोंयांतल्या दर्या वेळांर स जाणांक बुडटना वाटायलें. तशेंच एकल्याक आत्महत्या करपा पसून आडायलें. एका शेणल्ल्या भुरग्यांक तांणी ताच्या पालकाचे सुवादीन केलें.
आगोंदा हांका मुंबयच्यान आयिल्लो एक 32 वर्सां पिरायेचो पर्यटक उदकां झोतांत वचून बुडपाक लागलो तेन्ना लायफ गार्ड सत्यवान वेळीप हाणे ताका सुरक्षीतपणान दर्या देगेर हाडलो. बाणावले दर्या देगेर कोलकाताच्या आयिल्ली एक 47 वर्सां पिरायेची बायल झोता वांगडा दर्यांत व्हांवन वताली. तिाक गुतेश गांवकार हाणे वाटायलें.
कोलवा हाकां एक तरणाटो आत्महत्या करपाच्या विचारांत आशिल्लो. ताची खबर शंकर पर्येकार ह्या लायफ गार्डाक मेळतगीर ताणे ताका समजायलें आनी उपरांत ताका पुलिसाचे सुवादीन केलें. पाळोळें दर्या वेळेर 24 वर्सां पिरायेचो हैदराबादचो पर्यटक देगे पासून सुमार 700 मीटर पय कयाकिंग करीत गेलो. ताच्या कयाकांक गळटी लागल्ल्यान तो बुडपाची शक्यताय आशिल्ली. जेट स्की ऑपरेटरान ताका देगेर हाडलें. खोला हांगा बेंगळुरूचे दोन जाण कयाकिंग करतना उदकांत पडले. मेहश वेळीप ह्या लायफ गार्डान ताका देगेर हाडलें.
बायणा दर्या वेळेर बेंगळुरू हांगच्या 19 वर्सा पिरायेच्या तरणाट्याच्या पायांक कवची लागून तो जखमी जालो. हरमला एक केरळांतले व्यक्तीच्या दाव्या हात खांद्यांतल्यान निखळ्ळो. लायफ गार्डानी व्हरून ताचेर मुळावे उपचार करून घेतले. कोलवा दर्या वेळेर एक भुरगो असोच फिरतना दिसलो. लायफ गार्डन ताच्या पालकांक सोदून काडून ताका तांचे सुवादीन केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
