भांगरभूंय | प्रतिनिधी
पणजी : इश्टां वांगडा हणजुणा पार्टेक गेल्लो महाराष्ट्रांतलो विक्रम बी. (३२) ह्या तरणाट्याक मोरजे कुडींत मरण आयलें.
हे विशीं पुलिसांनी दिल्ले म्हायती प्रमाण, तरणाटो इश्टां वांगडा रातचो पार्टेक गेल्लो. पार्टीेतल्यान परततना तांणी आपले छातयेंत दुखता आनी स्वास घेवपाक त्रास जाता अशें आपल्या इश्टांक सांगलें. तांणी ताका मोरजे तो रावपी कुडींत हाडलो. मात हांगा ताची भलायकी आनीक इबाडली.
उपरांत ताका रोखडोच शिवोलेच्या मुळाव्या भलायकी केंद्रांत व्हेलो. मात, दोतोरांनी ताका मरण आयिल्ले अवस्थेंत हाडिल्ल्याचें जाहीर केलें. ह्या प्रकरणांत पुलिसांनी असैमीक मरण म्हणून नोंद केलां. सध्या, तरी घातपाताची शक्यताय दिसना. पोस्टमार्टमा उपरांत मरणाचें नेमकें कारण समजतलें, अशें पुलिसांनी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
