भांगरभूंय | प्रतिनिधी
बगदाद, खबरां संस्था: इराकाचे संसदेन शेनवारा एक विधेयक संमत केलें, तातूंत समलिंगी संबंद गुन्यांवकारी थारतलें. बीबीसी न्यूजच्या म्हणण्या प्रमाण, आतां इराकांतल्या समलिंगी संबंद दवरपी लोकांक १० ते १५ वर्सां बंदखणीची ख्यास्त जावंक शकता. नव्या कायद्या प्रमाण ट्रांसजेंडर लोकांक ३ वर्सां मेरेन बंदखणींत दवरपाक शकतात. ह्या निर्णयाचें समर्थन करप्यांनी नव्या कायद्या वरवीं देशांतल्या धर्मीक भावनांची राखण करतले अशें म्हणलां.
अल जझीराच्या म्हणण्या प्रमाण समलिंगी वा शिंदळकी वेवसायाक चालना दिवपी लोक आनी लिंग बदलपाची शस्त्रक्रिया करपी दोतोरांक आतां इराकांत बंदखणींत घालतले. ते भायर जाणून बायलां वरीं वागपी आनी लिंग अदला बदल करपांत गुंतिल्ल्या दादल्यांकूय नव्या कायद्या प्रमाण बंदखण भोगची पडपाक शकता.
हाचे पयलीं इराकांत समलिंगी संबंधां खातीर वेगळो कायदो नाशिल्लो. शिंदळकी वेवसाय कायद्या खाला फाशीची ख्यास्त दिल्ली. आदीं इराकांत समलिंगी संबंधां खातीर वेगळो कायदो नाशिल्लो. शिंदळकी वेवसाय कायद्या खाला फाशीची शिक्षा दिल्ली.
समलिंगी संबंधांक उर्बा दिवप्यांक ७ वर्सांची ख्यास्त
समलिंगी संबंदांक उबार दिवप्यांक ७ वर्सां बंदखणीची तरतूद आसा. खरें म्हणल्यार इराकांतल्या शिंदळकी वेवसायाच्या कायद्यांत १९८० वर्सा दुरुस्ती करून समलिंगी संबंदाक मरणाची ख्यास्त दिवपाचो आस्पाव केलो. ह्या निर्णयाक अमेरिके सयत जायत्या अस्तंती देशांनी विरोध केलो आनी उपरांत तो परतून बदल्लो.
ह्यूमन रायट्स वॉचाच्या २०२२ वर्साच्या अहवाला प्रमाण, इराकांतल्या एलजीबीटीक्यू समाजाचेर बरोच तेंप जालो छळ जाता. अपहरण, बलात्कार, छळ, खून ह्यो जायत्यो केशी तांचे आड येत आसात. इराकी राजकारणी आनी जायते सोशल मिडिया वापरपीय एलजीबीटीक्यू विरोधी विधानां करतात.
संवसारांतल्या समलिंगीपणाची सद्याची स्थिती कशी आसा?
पीईडब्ल्यू संशोधन केंद्रान एलजीबीटीक्यू+ समाजाचेर संशोधन केल्या उपरांत, कॅनडांत सगळ्यांत चड लोक ८५% आनी अमेरिकेंत ७२% लोक एलजीबीटीक्यू+ स्विकारतात अशें सांगलां.
आयज बर्याच काळाच्या झुजा उपरांत फ्रांस, जर्मनी, बेल्जियम, अमेरिकेच्या जोड संस्थां सयत संवसारांतल्या ३१ देशांच्या संविधानांत समलिंगी लग्नाक कायदेशीर मान्यताय मेळ्ळ्या.
भारतांत २०१८ मेरेन समलिंगी लग्न हो गुन्यांव आशिल्लो, पूण सर्वोच्च न्यायालयाच्या निकाला उपरांत आयपीसीच्या कलम ३७७ खाला देशांत समलिंगी लैंगीक संबंद गुन्यांवकारी थारलो. मूड ऑफ नेशनाच्या सर्वेक्षणांतल्यान भारतांतले ६२% लोक समलिंगी लग्न मान्य करपाक तयार नात. हाचे वयल्यान समाजाक अजूनय एलजीबीटीक्यू+ पुरायपणान मान्य करपाची इत्सा ना हें स्पश्ट जाता. आयज लेगीत यॅमॅन, इराण, ब्रुनाई, नायजेरिया, कतार ह्या सारक्या संवसारांतल्या १३ देशांनी समलिंगी जोडप्यांक मरणाची ख्यास्त दितात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
