भांगरभूंय | प्रतिनिधी
डॉ. प्रमोद सावंत हांची विधानसभेंत लेखी जाप
पणजीः राज्य सराकारन भारतीय अांतरराष्ट्रीय चित्रपट महोत्सव (इफ्फी) च्या आयोजनाचेर रु. 24.89 कोटी रुपया खर्च केल्यात. ते खातीर केंद्र सरकारान फक्त रु. 1.55 कोटी राज्य सरकाराक दिल्यात. अशें म्हायती आनी प्रसिद्धी खात्याचे मंत्री डॉ. प्रमोद सावंत हांणी विधानसभेंत लेखी जापेंत नमूद केलां.
इफ्फी 2023 च्या आयोजना खातीर सात विभागांचेर रु. 24,89,27,646 इतलो खर्च आयला. तातूंत आयटी विभागांत रु. 1,70,28,751, तंत्रिकी विभागांत रु. 3,83,97,761, इव्हेंट विभागांत रु. 9,29,39,850, एचआर विभागांत रु. 2,12,37,241, प्रशासकीय विभागात रु. 6,66,64,620, मार्केटींग विभागांत रु. 4,30,455 आनी पिआर विभागांत रु. 1,02,28,96 इतले रुपया खर्च केल्यात.
रु. 24,89,27,646 मदले फक्त रु. 1.55 कोटी म्हायती आनी प्रसारण मंत्रालय, चित्रपट महोत्सव संचालनालय, राष्ट्रीय चित्रपट उदगरत महामंडळ (एनएफडीसी) हांचे कडल्यान इफ्फी आयोजीत करपाक गोंय मनरिजवण संस्था (इएसजी) हांकां दिल्यात. हेर सगलो खर्च राज्य सरकारान केला.
सरकारान फक्त इफ्फीच्या सोबितीकरणा खातीर रु. 8.53 कोटी मोडल्यात. तशेंच इफ्फी खातीरचे येरादारी आनी आदारातिथ्याचेर सरकाराक रु. 6,80,69,240 खर्च आयला. ह्या खर्चाचेर इएसजीन आपले रु. 6,02,17,349 आनी एनएफडीसीन आपले रु. 78,51,891 खर्च केल्यात. अधिकाऱ्यांचेर रु. 99,016 जाल्यार हेरांचेर रु. 6,79,70,224 खर्च आयले. ह्या खर्चा भितरले अधिकाऱ्यांच्या हवाई यात्रेचेर रु. 23,023, येरादारीचेर रु. 29,877 आनी रावपाच्या वेवस्थेचेर रु. 46,116 खर्च जाला. रु. 3,26,42,555, येरादारीचेर, रु.1,37,55,836 आनी रावपाच्या वेवस्थेचेर रु. 2,15,71,833 खर्च आयला.
हवाई यात्रेचेर इएसजीन रु. 2,95,00,000 आनी एनएफडीसीन रु. 31,65,578 मोडल्यात. येरादारीचेर इएसजीन रु. 90,99,400 आनी एनएफडीसीन रु. 46,86,313 मोडल्यात. जाल्यार रावपाचे वेवस्थेचेर इएसजीन रु. 2,16,17,949 जाल्यार एनएफडीसीन एकय दुडू मोडूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
