भांगरभूंय | प्रतिनिधी
जोरहट, खबरां संस्था : एके बायलेन आपल्या घोवाक मारून उडयलो आनी उपरांत ताका उजो लायलो. ते बायलेक पुलिसांनी अटक केल्या. ह्या प्रकरणांत पुलिसांनी बायलेक तिच्या नेण्ट्या पुता सयत ताब्यांत घेतल्या. बायलेन ह्या खूनाची कबूली दिल्या. घोव तिका दिसरात मारबडय केल्ल्यान, ह्या सगळ्या त्रासाक वाजेवन तिणें हें पावल उबारलें.,
ही घडणूक नेमकी खंय घडली?
आसामच्या जोरहट जिल्ह्यांत ही धक्को दिवपी घडणूक घडल्या. बायलेचो पूत नेण्टो आशिल्ल्यान त्या भुरग्याक किशोर न्यायालयांत व्हरून चवकशी करतले अशें जोरहट जिल्लो पुलीस अधीक्षक श्वेतांक मिश्रा हांणी स्पश्ट केलें. बायलेचो घोव दर दिसा सोरो पियेतालो आनी तिका मारतालो अशें बायलेन सांगलां अशेंय पुलिसांनी सांगलें. तिणें आपल्या पुताक वाचवपा खातीर खुना सारकें भिरांकूळ पावल उबारलें.
घोवाचें नांव प्रल्हाद सोरेन
ज्या मनशाक मारला ताचें नांव प्रल्हाद सोरेन. तो च्या मळ्यांत मानाय म्हणून काम करतालो. आयतारा रातीं मरियानी वाठारांतल्या च्या मळ्यांत ताचो खून केलो. उपरांत ताची कूड हुलपायली. कांय जाणांनी ही बायल अशें करतना पळयलें. ते उपरांत हे बायलेची म्हायती पुलिसांक दिली. उपरांत पुलिसांनी बायलेक अटक केली. पुलिसांनी थंय पावतकच अर्दवट जळिल्ली कूड जप्त केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
