भांगरभूंय | प्रतिनिधी
भांगरभूंय । प्रतिनिधी
केरी-सत्तरीः आसामाच्या शालेय शिक्षण विभागान एनसीईआरटीच्या पालवान शंकरदेव कलाक्षेत्र, पंजाबरी गुवाहाटी हांका नोव्हेंबराच्या निमण्या सप्तकांत आयोजीत केल्ल्या 49व्या राष्ट्रीय बाल विज्ञान प्रदर्शनांत वाळपयच्या डॉ हेडगेवार विद्या मंदिराचो विद्यार्थी विघ्नेश नवसो शेट्ये हाणे आपल्या विज्ञान प्रकल्पाचें सादरीकरण केलें.
देशांतल्या वेगवेगळ्या वाठारांतल्या भुरग्यांक विज्ञान, गणित आनी तंत्रगिन्यानाचीं वेगवेगळी तांसा समजून घेवपाक तशेंच वेगवेगळ्या संस्कृतीची वळख जावची हे खातीर दर वर्सा राष्ट्रीय विज्ञान प्रदर्शन आयोजीत करतात. देशांतल्या वट्ट 240 विद्यार्थ्यांनी ह्या प्रदर्शनांत आपापले विज्ञान प्रकल्प सादर केल्ले. विघ्नेशान आपलो हवा प्रदूशण डिटेक्टर ह्या प्रकल्पाचें सादरीकरण केलें. तो तयार करपा खातीर ताका शिक्षिका मीलन पाटील हिणे मार्गदर्शन केलें.
बाल विज्ञान प्रदर्शना निमतान दरेका राज्यांतल्या विद्यार्थ्यांनी सांस्कृतीक कार्यावळी सादर केल्यो. गोंयच्या पंगडान देखणी नाच सादर केलो. गोंयच्या पंगडांत विघ्नेश तशेंच खुशी गौतम हिचो आसपाव आशिल्लो. विज्ञान प्रदर्शना वेळार आयोजीत केल्ल्या राष्ट्रीय पांवड्या वयल्या सिनिरय गटांततले प्रश्नमंजुशा सर्तींत विघ्नेश आनी खुशी हांका इनाम फावो जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
