भांगरभूंय | प्रतिनिधी
खबरां संस्था
रांचीः भारताचो दिग्गज स्पीनर आर आश्विनान टॅस्ट क्रिकेटींत व्हडले विक्रम केल्यात. रांचींत इंग्लंडा आडचे चवथे टॅस्ट मॅचींत ताणे आनी एक विक्रम केलो. ताणे भारताच्याच अनिल कुंबळेचो टॅस्ट विकेटी घेवपाचो विक्रम मोडून तो आपल्या नांवार केलो. ही इतिहासीक कामगिरी करपी तो पयलो भारतीय थारला. चवथे टॅस्टींत दुसऱ्या डावांत इंग्लंडाच्या बेन डकेटाक आवट करून ताणे कुंबळेचो 350 टॅस्ट विकेटी घेवपाचो विक्रम मोडलो. आश्विनाच्या नांवार आतां 351 विकेटी जाल्यात.
आश्विनान बेन डकेट आनी ऑली पोप हांच्यो विकेटी घेवन भारतीय भुंयेर 350 टॅस्ट विकेटी घेवपाची कामगिरी केली. डकेट ताचो 350 वो बळी थारलो आनी ऑली पोप 351वो. ह्यो दोन विकेटी घेवन ताणे अनिल कुंबळेक फाटीं उडयलो. कुंबळेन 63 टॅस्ट मॅचींत 24.88 च्या सरासरीन 350 विकेटी घेतल्यात
सगल्यांत चड विकेटी घेवपी भारतीय बॉलर- आर आश्विन- 351, अनिल कुंबळे- 350, हरभजन सिंग- 265, कपिल देव- 219, रवींद्र जडेजा- 210
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
