भांगरभूंय | प्रतिनिधी
40 हजारांचें लुकसाण, एक किरकोळ जखमी
भांगरभूंय । प्रतिनिधी
मडगांवः आर्लेम फातोड्डेंच्या आंतोनी गांवकार हांच्या घराक उजो लागपाची घडणूक सुक्रारा सांजे वेळार घडली. तातूंत 40 हजारांचें लुकसाण जालें जाल्यार एका लाखाची मालमत्ता वाटोवपाक येस आयलें. तातूंत अँथोनी हांकां धुंवराक लागून स्वास घेवपाक त्रास जालो जाल्यार वालेंतिनो गांवकार हांच्या हाताक किरकोळ दुखापत जाली. मेळिल्ले म्हायती प्रमाण आर्लेम फातोड्डेंच्या आंतोनी गांवकार हांच्या घराक उजो लागलो. उदक तापोवपा खातीर घराचे फाटले वटेन उजो पेटयल्लो. त्या उज्याक लागून हेर कडेन उजो लागलो, अशें कळ्ळां. उजो लागिल्ल्याचें कळटाच आंतोनी गांवकार आनी वालेंतिनो गांवकार हांणी उजो पालोवपाचो यत्न केलो. उजो पालोवपी दळाक लेगीत उजो लागिल्ल्याची म्हायती दिली. मडगांव उजो पालोवपी दळाचे जवान ताकतिकेन घडणुकेचे सुवातेर आयले आनी तांणी उज्याचेर नियंत्रण मेळयलें. मात उजो पालयतना धुंवराक लागून आंतोनी हांकां स्वास घेवपाक त्रास जावपाक लागलो जाल्यार वालेंतिनो हांच्या हाताक किरकोळ जखम जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.