भांगरभूंय | प्रतिनिधी
५ वर्सांनी आयपीबीच्या प्रकल्पांत ३८२८ जाणांक रोजगार
पणजी, प्रतिनिधी : आयपीबी प्रकल्पांतल्यान मेळिल्ल्यो नोकर्यो, गुंतवणूक आनी जमनीवेल्यान विरोधी आमदारांनी उद्देग मंत्री मॉविन गुदिन्हो हांकां धारेर धरलो. आयपीबी प्रकल्पांविशी पावसाळी अधिवेशनांत सादर केल्ली आंकडो आनी ह्या अधिवेशनांतलो आंकडो हातूंत तङ्गावत आसा, असो आरोप विरोधकांनी केलो.
ङ्गाटल्या पांच वर्सांनी आयपीबीन मंजूर केल्ल्या प्रकल्पांतल्यान ३८२८ जाणांक रोजगार मेळ्ळा.
हातूंत १५११ गोंयकार आनी २३१७ गोंयां भायले लोक आसा, अशी म्हायती उद्येगीक मंत्री मॉविन गुदिन्हो हांणी दिली.
२०१४ उपरांत आयपीबीन ८४ प्रकल्पांक मान्यताय दिल्या. हातूंतले फकत १४ प्रकल्प पुराय जाल्यात. लेखी जांपेत १२ प्रकल्प पुराय जाल्या, अशी म्हायती आसा. सरकारान दिल्ले म्हायतींत तफावत आसा, अशें विरोधी पक्ष फुडारी युरी आलेमावं हांणी सांगलें. आयपीबीन उद्देगां खातीर ज्यो जमनी दिल्या तातूंत भानगडी आसा. हातुंतल्यान फावो ते प्रमाणांत
येणावळ येवंक ना. आयपीबी प्रकल्पाच्या जमनींची न्यायालयीन चवकशी करपाची मागणी आमदार वेंझी व्हिएगस हांणी केली.
आयपीबीच्या विशयाचेर सभाघरांत बरोच वेळ चर्चा जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
