भांगरभूंय | प्रतिनिधी
खबरां संस्था
मुंबयः आयपीएल 2024च्या सिझना पयलीं मिनी पावणे खातीर वट्ट 1166 खेळगड्यांनी आपल्या नांवाची नोंदणी केल्या. तातूंत फाटल्या वन-डे संवसारीक करंड सर्तींच चमकादार कामगिरी करून दाखोवपी रचीन रवींद्र आनी टॅव्हिस हेड हांच्या सारक्या खेळगड्यांचो आसपाव आसा. इंग्लंडाचो फास्ट बॉलर जोफ्रा आर्चराचें नांव ना. ताका मुंबय इडियन्सान 2024च्या सिझना खातीर पंगडांतल्या मोकळो केला. 1166 खेळगड्यांतले 830 खेळगडे भारतीय आसात. हातूंत 18 कॅप्ड खेळगडे आसले तरी चार खेळगड्यांचे मुळावें मोल 2 कोटी रुपया आसा.
आयपीएलाची पावणी 19 डिसेंबराक जातली. पावणे खातीर 336 विदेशी खेळगड्यांनी आपली नांवाची नोंद केल्या.वट्ट 212 कॅप्ड, 909 अनकॅप्ड आनी 45 सहयोगी देशांचें खेळगडे आसात. भारताच्या कॅप्ड खेळगड्यां मदी वरूण आरोन, केएस भरत, केदार जाधन, सिद्धार्थ कौल, धवल कुलकर्णी, शिवम मावी, शाहबाज नदीम, करुण नायर, मनीष पांण्डे, हर्षल पटेल, चेतन साकारिया, मनदीप सिंग, बरिंदर स्रान, शार्दुल ठाकूर, जयदेव उनाडकट, हनुमा विहारी, संदीप वारियर आनी उमेश यादव हांच्या नांवाचो आसपाव आसा.
4 भारतीयांचे मोल 2 कोटी
अंदूच्या मिनी पावणे खातीर , हर्षल पटेल, केदार जाधव, शार्दुल ठाकूर आनी उमेश यादव हाचें मूळ मोल 2 कोटी रुपये आसा. ताकां फ्रँचायझींनी कबलात मुक्त केला. बाकीच्या 14 कॅप्ड भारतीय खेळगड्यांचे मूळ मोल 50 लाख रुपये आसा. जोफ्रा आर्चराक दुखापत जाल्या ते खातीर ताणे आपलें नांव पावणे खातीर नोंद केलें ना अशें वेल्स क्रिकेट बोर्डान सांगला. अदूंचे आयपीएल पावणेत वन-डे संवसारी करंड सर्तीत खेळल्लो आदिल रशीद, हॅरी ब्रूक आनी डेव्हिड मलान हांचो आसपाव आसा. ऑस्ट्रेलियन खेळगड्यां मदी जोश हेझलवूड, ट्रॅव्हिस हेड, मिचेल स्टार्क, पॅट कमिन्स, सीन अॅबॉट, जोश इंग्लिस आनी स्टीव्ह स्मिथ हांचो आसपाव आसा आनी ताचें मुळावे मोल 2 कोटी रुपया दवोरलां. .
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
