भांगरभूंय | प्रतिनिधी
खबरां संस्था
मुंबयः 2024च्या आयपीएलांत बॉलराक एके ओव्हरींत दोन बावंसर घालपाची मेकळीक आसतली. भारतीय क्रिकेट नियामक मंडळान (बीसीसीआय) सैय्यद मुस्ताक अली ही परवानगी दिल्या उपरांत आतां आयपीएलां खातीर ती दिल्या. तिसरो बावंसर घातल्यार तो नो बॉल थारतोलो. एके ओव्हरींत दोन बावंसर घालपाक मेळटले ताचो फास्ट बॉलरांक बरोच फायदो जातलो अशें बॉलर जयदेव उनादकट हाणे सांगलें. ह्या निर्णयाचो बरोच प्रभाव पडटलो
एके ओव्हरींत दोन बावंसर घालपाक बॉलरांक मेकळीक बीसीसीआयन 2023-24 वर्सा सैय्यद मुस्ताक अली टी-20 सर्तींत दिल्ली. अंदूच्या आयपीएलांत दोन बावंसरांचो नेम लागू करतले. 2023च्या आयपीएलांत पयले फावट इम्पेक्ट प्लेयर नेम लागू केल्लो. ह्या नेमा खाला टॉस उडयतना पंगडाक प्लेईंग इलेव्हन शिवाय चार खेळगड्यांची एक वळेरी दिवची पडटाली. उपरांत पंगडांत त्या चार खेळगड्यांतल्या कोणाय एकल्याक इम्पेक्ट प्लेयर म्हणून खेळोवपाक मेळटाले. खंयच्याय पंगडात आपल्या प्लेईंग इलेव्हनांत चार विदेशी खेळगड्यांचो आसपाक केल्यार. ताकां इम्पेक्ट प्लेयर म्हणून फकत एका भारतीय खेळगड्याक घेवपाक मेळटालें.
मजगतीं आयपीएल अंदू 22 मार्चा सावन सुरू जावपाक शकता. फुडल्या वर्सा लोकसभा वेंचणुको जाल्या उपरांत आयपीएल वेळापत्रकाचेर निर्णय घेतले अशें बीसीसीआयन म्हणला. फेब्रुवारीच्या निमण्या सप्तकांत वा मार्य म्हयन्याच्या पयल्या सप्तकांत लोकसभा वेंचणुकांचो तारखो जाहीर जातलेंअशें सांगतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
