भांगरभूंय | प्रतिनिधी
भांगरभूंय । प्रतिनिधी
वाळपयः आयतार 3 डिसेंबराक वाळवय मेरेथॉन 2023 सर्त जातली. फाटल्या पांच वर्सां सावन हे सर्तीचें आयोजन करतात. लोकां मदी निरोगी भलायके विशीं जाग्रुताय करप व्हो ही सर्त आयोजीत करपा फाटलो हेत आसा अशें आयोजन मुखेली डॉ अशोक आमशेकार हाणे सांगलें. 7720955041 ह्या नंबराचेर नांव नोंदणी करून कोणूय हे सर्तींत वांटेकार जावपाक शकता. वाळपयच्या सरकारी उच्च माध्यमीक विद्यालया कडल्यान सकाळीं 6 वरांचेर सर्तीक सुरवात जातली.
सर्तीक वाळपयची नगराध्यक्ष प्रसन्ना गांवस सुरवात करून दितली. उपरांत इनामां भेटयतले. मेरेथॉन आयोजनाक तालुक्यांतल्या वेगवेगळ्या संस्था कडल्यान बरें सहकार्य मेळटा. फाटल्या पांच वर्सांत 600 परस चड जाणांनी हे सर्तींत वांटो घेतला. लोकांक आपली भलायकी बरी दवोरपाक जाय असो संदेश हे सर्तींतल्यान मेळटा अशें डॉ आमशेकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
