भांगरभूंय | प्रतिनिधी
तुमी नोकरी करतात जाल्यार जून म्हयनो तुमकां खूब म्हत्वाचो. सध्या पुराय देश लोकसभा वेंचणुकेच्या निकालाचेर लक्ष दिवन आसा. मात १५ जून ही तारीक कर्मचार्यां खातीर खूब म्हत्वाची. ताचें कारण आयटीआर म्हळ्यार इन्कम टॅक्स रिटर्न जावन आसा. १५ जून उपरांत आयटीआर दाखल केल्यार कर्मचार्यांक खूब फायदो जावंक शकता.
२०२३-२४ वित्तीय वर्सा खातीर आयटीआर दाखल करपाची ऑनलायन प्रक्रिया सुरू जाल्या. निमाणी तारीख ३१ जुलय. नोकरी करपी व्यक्तींनी १५ जून उपरांत आयटीआर दाखल करचो.
१५ जून उपरांत आयटीआर कित्याक दाखल करचो?
आयटीआर फॉर्म आतां ऑनलायन सक्रीय आसात. पूण नोकरी करपी व्यक्तींक १५ जून उपरांत आयटीआर दाखल करपाचो सल्लो दितात. कारण आयज मेरेन तांचें फॉर्म-२६ एएस वा वर्सुकी म्हायती विवरण (एआयएस) आयकर खात्याच्या संकेतथळारय उपलब्ध आसा आनी पुरायपणान अपडेटूय जाल्लें आसता. देखून तांकां येणावळ कर रिटर्न भरप सोंपें जाता.
१५ जून उपरांत येणावळ कर रिटर्न भरपाक आनीक एक कारण आसा. जायत्यो कंपनी कर्मचार्याचो कर मेजतात आनी ३१ मे मेरेन फॉर्म-१६ रिलीज करतात. ही म्हायती येणावळ कर खात्या मेरेन पावपाक आनी ऑनलायन अद्ययावत करपाक १५ दीस लागूं येतात. देखून १५ जून उपरांत आयटीआर दाखल केल्यार कराची योग्य गणना करपाक मदत जाता.
टीडीएस डेटा जाता अपडेट
३१ मे पयलीं लोकांक तांच्या वर्सुकी उत्पन्न प्रमाणपत्रांत वा फॉर्म-२६ एएसांत कांय म्हायती अपडेट मेळूं येता. पूण तें फकत ३१ मे मेरेन पुरायपणान अपडेट जाता. अशे परिस्थितींत पगारदार कर्मचार्यांक १५ दिसां भितर टीडीएस (ढरु ऊशर्वीलींळेप रीं र्डेीीलश) प्रमाणपत्र मेळटा. देखून तांचो डेटा १५ जून मेरेन आयकर खात्याचेे वेबसायटीचेर उपलब्ध आशिल्ल्यान तांकां कर रिटर्न भरपाक सोंपें जाता.
१५ जून उपरांत आयटीआर दाखल करपाचे फायदे
करदात्यांक, खास करून नोकरी करपी व्यक्तींनी १५ जून उपरांत आयटीआर दाखल करपाचो फायदो म्हणल्यार, तांकां कर विशीं योग्य आनी पुराय म्हायती मेळटा. हाचे वरवीं तांकां कर रिटर्न योग्य रितीन दाखल करपाक मेळटात. देखून १५ जून मेरेन वाट पळोवप योग्य मानतात. आयकर रिटर्न अपूर्ण म्हायती सयत दाखल केल्यार, उपरांत चुकीचो आयटीआर दाखल केल्ले खातीर तुमकां दंड भरचो पडूं येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
