भांगरभूंय | प्रतिनिधी
भांगरभूंय । प्रतिनिधी
पणजीः कुशळटा उदरगत आनी उद्देजकताय संचालनालयान आयटीआय खातीर प्रवेश सुरू जाल्ल्याचे जाहीर केला. शिक्षणीक वर्स 2026-27 खातीर प्रवेश मेळोवपाक ऑनलयान अर्ज करचे पडटले. गोंयच्या खयच्याय आयटीआयत निवड करपाची मुभा ऑनलयान आसा, अशी कळोवणी संचालनालयान जारी केल्या.
यत्ता आठवी आनी धावे खातीरच्या भुरग्यांक सरकारी 10 आयटीआय आनी खाजगी तीन आयटीआयत ऑनलयान प्रवेश आयज सावन उक्तो जाला. आयटीआय पास उमेदवारांक मंडळा कडल्यान थेट एसएसएसी (आठवी यत्ता) आनी एचएचएसएसी (धाव्वी यत्ता) पास समतुल्य प्रमाणपत्र जारी करतले. ते भायर यत्ता 12वी, पदविका धारक आनी पदवीधर लेगीत अर्ज करपाक शकतात.
इत्सुकांनी प्रवेश मेळोवपा खातीर आयटीआय एडमीशन्स हे वॅबसायटीक भेट दिवची. उपरांत वेबसायटीचेर दिल्ली म्हायती पुस्तिका 2026-27 ही वाच्ची आनी उपरांत ऑनलयान अर्ज करचो. आयटीआयत शिकपा खातीर 44 अभ्याक्रम आसात आनी इत्सुकांक खयचोय अभ्यासक्रम ऑनलयान वेचपाक मेळटलो.
संचालनालयान कसलेय चवकशे खातीर सरकारी आनी खाजगी आयटीआयाक संपर्क करपाक सांगला. तशेच तंत्रीक चवकशी खातीर 08326712117 हो हेल्पलायन नंबर जारी केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
