भांगरभूंय | प्रतिनिधी
पणजी, प्रतिनिधी ः राज्यांत 1 जून ते 12 जून मेरेन सरासरी 12 इंच पावसाची नोंद जाल्या. ह्या काळांत हरशीं साडेआठ इंच मेरेन पावसाची नोंद जाता. अंदू सुमार साडेतीन इंच मायज आसा. अंदू आंतामेरेन 36 टक्के चड पावस पडला.
मडगांवांत सगळ्यांत चड 18.23 इंच पावसाची नोंद जाल्या, काणकोणां 15.02 इंच, केप्यां 14.50 इंच, सांग्यांर 14.18 इंच पावस पडला. जाल्यार सगळ्यांत उणो पेडणें 7.3 इंच पावसाची नोंद जाल्या. फाटल्या 24 वरांत दाबोळें सुमार 3.50, मुरगांवां 2.45, मडगांवां 2, जाल्यार पणजेंत 1 इंच पावसाची नोंद जाल्या.
पावसाचो नेट देंवला तरी आयज बुधवारा कांय सुवातांचेर उटंगाराची शक्यताय गोंय वेधशाळेन उक्तायल्या. वेधशाळेन गोंयभर पावसाचो येलो अलर्ट जारी केला. 16 जूनमेरेन राज्यांत मध्यम स्वरूपाचो पावस पडपाक शकता, अशें वेधशाळेन म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
