भांगरभूंय | प्रतिनिधी
खानापूर: गोंयचे मुख्यमंत्री डॉ. प्रमोद सावंत हे आयज (बुधवारा) बेळगांव जिल्ह्यांतल्या खानापूर म्हालांत भोंवडेर वतले. तांची दनपारां दोन वरांचेर मांगिरीश हॉल जांबोटी क्रॉस हांगा भारतीय जनता पक्षाचे कार्यकर्ते आनी पदाधिकाऱ्यां वांगडा बसका जातली.
लोकसभेचे कारवार मतदारसंघातले उमेदवार विश्वेश्वर हेगडे कागेरी हांची वेंचणूक प्रचार यंत्रणा रोबोवपा खातीर मुख्यमंत्री प्रमोद सावंत वतले. तरी म्हालांतले सगले भाजपाचे पदाधिकारी आनी सगल्या कार्यकर्त्यांनी वेळार हाजीर रावपाची विनंती भारतीय जनता पार्टीचे जिल्हो उपाध्यक्ष प्रमोद कोचेरी, तालुको अध्यक्ष संजय कुबल, आमदार विठ्ठलराव हलगेकर, आदले आमदार अरविंद पाटील, लोकसभा खानापूर प्रभारी सुरेश देसाय आनी महेशा मोहिते तशेंच जनरल सेक्रेटरी गुंडू तोपिनकट्टी बसू सानीकोप्प, जिल्हो जनरल सेक्रेटरी धनश्री सरदेसाय हांणी विनंती केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
