आयजेकेएआय राज्य कराटे सर्तींत थिवी कराटे डोजो वर्गाक 40 पदकां

भांगरभूंय | प्रतिनिधी

भांगरभूंय । खबरां मेज
पणजीः गोंयच्या इंटरनॅशनल जपान कराटे असोसिएशनान आयोजीत केल्ल्या पयल्या आयजेकेएआय राज्य कराटे सर्तींत थिवी कराटे डोजो वर्गांतल्या सर्तकांनी  9 भांगराचीं, 13 रुप्यांची आनी 18 कास्यांची मेळून वट्ट 40 पदकां मेळयलीं.  कराटे आयजेकेएआय गोंयचे मुख्य प्रशिक्षक सेन्साय महेंद्र नायक हांणी म्हापशेंच्या घोटेश्वर देवस्थान हॉलांत ही सर्त आयोजीत केल्ली. सर्तींत गोंयांतत्या वेगवेगळ्या वाठारांतले 300 परस चड सर्तकांनी वांटो घेतिल्लो. थिवी कराटे वर्गांतल्या सर्तकांक सेन्साय संदेश संतोष कोलीकर हांणे मार्गदर्शन केल्ले.
 सर्तींत ओवी प्रभुगांवकार, वरदा शेट्ये कोरगांवकार, गुंजन वेंगुर्लेकार, रिद्धी बिचोलकार, निधी मांद्रेकार, मनस्वी मांद्रेकार, लक्षदा बिचोलकार, रुतवी पटेल, शमिका साळगांवकार, तानिया कानोळकार, पल्लवी कळंगटकार, अविता बाणावलीकार, श्रृती पेडणेकार, अनुष्का नायक ह्या चलयांनी पदकां मेळयलीं.
चलयां मदीं सनश पेडणेकार, महज परब,  रतवीक पार्सेकार, अथर्व पिंगुळकार, आदर्श नायक, सुरेश बागकार, पार्थ वालावलकार, मीत गडेकार, कार्तिक नायक, प्रतीक आर्कासाळी, शान कवठणकार, आदित्य सावंत हांणी पदकां मेळयलीं.