भांगरभूंय | प्रतिनिधी
पणजी : तामिळनाडू, कर्नाटक आनी महाराष्ट्र वाठारांत तयार जाल्लो टर्फ आनी हेर वातावरणीय बदलाक लागून गोंयांत 19 ते 21 एप्रील ह्या काळांत पावस पडपाची शक्यताय हवामान खात्यान उक्तायल्या. ह्या तीन दिसांनी जगलावणे सयत गडगड मारून पावस पडपाची शक्यताय आसा.
19 एप्रीलाक पावसाचो यलो अलर्ट जारी केला. शेनवारा गोंयांत उबाळ वाडलो. फुडले स दीस गोंयांतलें चडांत चड तापमान 33 ते 35 अंश सेल्सियस मेरेन आसपाची शक्यताय उक्तायल्या.
गोंयांत कांय वाठारांनी शेनवारा सकाळीं मळबांत कुपां मांडिल्लीं, मात पावसाची नोंद जावंक ना. शेनवारा पणजे चडांत चड 34.5 जाल्यार उण्यांत उणें 25.5 अंश तापमानाची नोंद जाली. मुरगांवां चडांत चड 33.2 अंश आनी उण्यांत उणें तापमान 26 अंश सेल्सियस आशिल्लें. पुडले स दीस गोंयांतलें उण्यांत उणें तापमान 24 ते 25 अंश सेल्सियस मेरेन आसपाची शक्यताय हवामान खात्यान उक्तायल्या. 21 ते 25 एप्रील मेरेन गोंयांतलें वातावरण सुकें आसपाची शक्यताय आसा. गोंयांत 1 ते 18 एप्रील मेरेन सरासरी 1.3 मिलिमिटर पावसाची नोंद जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
