भांगरभूंय | प्रतिनिधी
आयच्यान इंडीयन प्रिमीयर लिगेच्या (आयपीएल) 17व्या हंगामा सुरवात जाता. उक्तावणाची पयली मॅच हांगाच्या चेपॉक मैदानाचेर सध्याचो वस्ताद चेन्नय सुपरकिंग्स आनी रॉयल चॅलेंजर्स बंगळुरू ह्या पंगडां मदीं जातली.
दुसरे वटेन 16 हंगामांनी खेळून लेगीत पयल्या किताबाचे प्रतिक्षेंत आशिल्ल्या रॉयल चॅलेंजर्स बंगळुरूचें फुडारपण फाफ ड्यू प्लेसिसूच करतलो. ताणें फाटल्या हंगामांत कोहलीन पद सोडल्या उपरांत मुखेली जाल्लो.
चेपॉक म्हणल्यार एम ए चिदम्बरम स्टेडियमाची खेळपट्टी परंपरीक रितीन स्पिनरांग मजत करता. पूण, काळे माती पसून तयार केल्ली नवी खेळपट्टी बॅटींग आनी बॉलींग दोगांकूय मजत करपी थारुये. मॅच सांज वेळार जातली ताका लागून दर्या वटेच्यान येवपी हवा फास्ट बॉलरांक पावरप्लेंत स्विंग मेळपाक शकता.
हे खेळपट्टीचेर बॉल खूब स्लो रितीन बॅटाचेर येता. ताचो फायदो निश्चीत रितीन स्पिनरांक जातलो. ताका लागून बॅट्समनांक सादूरतायेन बॅटींग करची पडटली. जो बॅट्समन संयमान बॅटींग करतलो ताकाच व्हड धांवसंख्या उबारपाची संद आसतली.
ह्या मैदानाचेर फाटल्या आयपीएलाच्या हंगामांतली सरासरी धांवसंख्या 170 इतकी आसा. जो पंगड टॉस जिखता तो पयलीं बॅटींग करपाक प्राधान्य दिता. पयलीं बॉलींग करून प्रतिस्पर्धी पंगडाक किमान धांवसंख्येचेर आडावपाचो हेतू आसता. ताका लागून दुसऱ्या डावांत कितली धांवसंख्या करपाक जाय हाचो अदमास येता. आयपीएलाच्या इतिहासांत ह्या मैदानाचेर चार खेपे 200 परस चड धांवड्यो जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
