भांगरभूंय | प्रतिनिधी
पणजी, प्रतिनिधी : गोंयांत भाजयांचें दर वाडतूच आसा. सोमारा पणजी बाजारांत वालपापडी २४० रुपया किलो आशिल्ली. व्हडलो लिंबू १० आनी बारीक लिंबू ७ रुपयांनी एक आशिल्लो. मिरची आनी डब्बू मिरचेचें दर १२० रुपया किलो जाल्यार मटार १०० रु. आशिल्लें. येवपी कांय दिसांनी भाजयेचें दर वाडपाची शक्यताय भाजी विक्रेत्यांनी उक्तायली.
सोमारा कांदो, बटाट आनी टोमॅटोचें दर ४० रुपया किलो आशिल्लें. भेंडे, घोसाळें, गाजर, कारातें दरेकी ८० रुपया किलो विकताले. वायंगे आनी तवश्याचें दर दरेकी ६० रुपया किलो आशिल्लें. कोबी, फ्लॉवर तशेंच एक नाब ४० रुपया किलो बाजारांत उपलब्ध आशिल्ले. तशेंच कोथंबीर २५ ते ३० रुपया, पुदिना १० रुपया, तांबडी भाजी आनी मेथी दरेकी १५ रुपयाक जुडी आशिल्ली. आलें २०० रुपया जाल्यार लसूण ४०० रुपया किलो आशिल्लें.
फलोत्पादन गाड्यां वयलें दर
फलोत्पादन मंडळाच्या गाड्यांचेर कांदो २६ रु., टोमॅटो २८ रु. जाल्यार बटाट ३७ रुपया किलो आशिल्लें. जाल्यार भेंडे २० रु., कोबी २९ रु., गाजर ४३ रु., वालपापडी १७५ रु., मिरसांग ७० रुपये किलो दरान विकताले. फ्लॉवराचें दर २७ रुपया आशिल्लें.
पणजे बाजारांत मानकुराद आंबो येवपाक लागलो. तरीय दर मात चडूच आसा. मध्यम आकाराचे मानकुराद आंबे ६०० ते ८०० रुपया जाल्यार व्हडले देड हजार डझन दरान विकताले. जाल्यार हापूस आंबो ६०० ते ८०० रुपया डझन आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
