भांगरभूंय | प्रतिनिधी
पणजी : जमीन घोटाळ्या प्रकरणांत गुन्यांव फांट्याचे बंदखणींत आशिल्लो आरोपी सिद्दीकी सुलेमानाक बंदखणंतल्यान पळून वचपाक आयआरबी पुलीस कॉन्स्टेबल अमित नायक हांणी मजत केल्ली. काल सकाळ सावन पुलीस यंत्रणां हाय अलर्टचेर आशिल्लीं. चार पंगड कर्नाटकांतूय धाडले. मजगतीं, आयआरबी पुलीस कॉन्स्टेबल नायक काल हुबळी पुलिसांक शरण आयिल्लो. आयज पुलीस कॉन्स्टेबल अमित नायकाक सेवेंतल्यान बडतर्फ केल्ल्याची म्हायती मुखार आयल्या.
मजगतीं, आयज घेतिल्ले पत्रकार परिशदेंत बंदखणींतल्यान पळून गेल्लो सिद्धीकी सुलेमान कर्नाटकांतूच लिपून राविल्ल्याचो अदमास आसा. गोंय पुलिसांचो पंगड ताचो सोद घेतात अशी म्हायती पुलीस महासंचालक अलोक कुमार हांणी दिली.
मजगतीं, काल जमीन हडप प्रकरणांत गोंय पुलिसांच्या गुन्यांव फाट्याचे बंदखणींत आशिल्लो सिद्दीकी उर्फ सुलेमान खान (५४, रा. म्हापशें) हो सकाळीं सुमार २.३० वरांचेर बंदखणींतल्यान पळून गेलो. पळून वचपाक ताका आयआरबी पुलीस कॉन्स्टेबल अमित नायक हांणी मजत केली. ते दोगूय कर्नाटकांत पळून गेल्ल्याची म्हायती मेळ्ळे उपरांत पुलिसांचे चार पंगड कर्नाटकांत गेले. निमाणें काल रातीं फरारी कॉन्स्टेबल नायक पुलिसांक शरण आयलो. सध्या ताका नोकरेंतल्यान बडतर्फ केला. पुलीस सिद्दीकी हाचो आजूनय सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
