भांगरभूंय | प्रतिनिधी
मडगांव, प्रतिनिधी ः कुडटरींत गॅस जोडणी आनी आधार लिंक शिबिरांचे आयोजन केला. तांतूत गिरायकांनी दिल्ल्या गॅसच्या दरांत कसलीच सबसिडी आस्पावना. ते खातीर खंयच्याच गिरायकाक आधार कार्डाक एलपीजी गॅस कनेक्शन जोडपाची सक्ती ना अशें गोंय कॅन हांणी सांगलें.
कुडतरी आमदाराच्या कार्यालयान कुडतरी पंचायत, ओरा गॅस एजन्सी आनी मडगांव गॅस डिस्ट्रीब्यूटर हांच्या जोडपावलान कुडतरी पंचायत सभाघरांत 13 ते 18 मे मेरेन सकाळीं 10 ते दनपारा 1:30 मेरेन गॅस जोडणी आनी आधार लिंक, ईकेवायसी खातीर शिबिर आयोजीत केला. हे फाटभुंयेर गॅस गिरायकांक एलपीजी कनेक्शन आनी आधार कार्ड जोडपाक कोणूच जबरदस्ती करपाक शकना कारण गिरायकांनी दिल्ल्या गॅसाच्या दरांत कसलीच सबसिडी आस्पावना अशें गोवा कॅन हांणी सांगलां.
आधार कार्ड लिंकेज सक्तीचें करपा संबंदी खंयच्याच सरकारी प्राधिकरणाची अधिसुचोवणी ना. गॅस जोडणी आनी आधार कार्ड लिंकिंगाक ‘सक्तीचें’ म्हूण प्रचार करपाचो यत्न केल्यार गिरायक संरक्षण कायदो 2019 खाला कारवाय करतलें अशी शिटकावणी राज्यांतल्या भारतगॅस, एचपी गॅस आनी इंडेन गॅसच्या सगल्या एलपीजी डिलर्सांक गोंय कॅनान दिला. राज्यांतल्या एलपीजी गिरायकांक आधार कार्ड लिंक करपाक लायल्यार [email protected] ह्या ईमेलाचेर कागाळ करची असो उलो गोंय कॅनान मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
