भांगरभूंय | प्रतिनिधी
पणजी, प्रतिनिधी : आदिवासी लोक गांवांतल्यान शारांत स्थलांतर कित्याक करतात हें जाणुन घेवपाक आदिवासी कल्याण संचालनालय सर्वेक्षण करतलें. दिशा फावंडेशन आनी आदिवासी संशोधन संस्था हांच्या माध्यमांतल्यान हें सर्वेक्षण जातलें. आदिवासी कल्याण संचालनालयाचे संचालक दशरथ रेडकार हांणी ही म्हायती दिली.
दिशा फावंडेशनान सर्वेक्षण सुरू केलां. सर्वेक्षणा खातीर म्हायती दिवपाक आदिवासी भाव फुडें सरनात. हे फुडे आदिवासी लोकांनी सर्वेक्षण करपी मनशांक म्हायती दिवची, अशे आवाहन श्री. रेडकार हांणी केलां. आतां मेरेन दिशा फावंडेशनान 7581 घरांक भेट दिवन 22324 लोकांची म्हायती मेळयल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
