भांगरभूंय | प्रतिनिधी
जिणेचरित्राचें जातलें लोकार्पण
पणजी ः आदले मुख्यमंत्री प्रतापसिंह राणे हांचो 85 वो वाडदीस आयज आयतार २८ जानेवारीक सांजवेळार ५ वरांचेर पर्येंच्या भूमिका हायस्कूल मैदानाचेर व्हडा दबाज्यान मनयतले. ह्या वेळार मुख्यमंत्री दो. प्रमोद सावंत, आदले रेल्वेमंत्री सुरेश प्रभू, जहाजबांदणी मंत्री श्रीपाद नायक, खासदार सदानंद शेट तानावडे हाजीर आसतले. तांचे हस्तुकीं पुस्तकाचें प्रकाशन जातलें.
श्री. राणे हांणी गोंयचें मुख्यमंत्रीपद सगल्यांत चड काळ सांबाळ्ळां. कदंब महामंडळ, गोवा विद्यापीठ, घटक राज्य, राजभास, आयटीआय… हांकां तांणी योगदान दिलां. कला अकादमी वरवीं तांणी सांस्कृतीक मळाचेरुय काम केलां.
तांच्या वाडदिसा निमतान मेकर आॅफ माॅडर्न गोवा ः द अनटोल्ड स्टोरी आॅफ प्रतापसिंह राणे ह्या जिणेचरित्राचें लोकार्पण जातलें. हें पुस्तक तांची घरकान्न सौ. विजयादेवी राणे हांणी बरयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
