भांगरभूंय | प्रतिनिधी
वॉशिंग्टन, खबरां संस्था: आदले अंतरिक्षयात्री विल्यम अँडर्स हाका शुक्रारा वॉशिंग्टनांतल्या सॅन जुआन जुंव्याचेर विमान अपघातांत मरण आयलें. ताची पिराय ९० वर्सां आशिल्ली. ‘अपोलो ८’ चे अंतरिक्षयात्री विल्यम हांचो १९६८ वर्सा ‘अर्थरायझ’ हो ग्रह अंतरिक्षांतल्यान आयिल्ली निळी संगमरवरी सावळी म्हणून दाखोवपी फोटो संवसारभर नामनेक पावलो. ताचो पूत वायुसेनेचो निवृत्त लेफ्टनंट कर्नल ग्रेग अँडर्स हांणी तांच्या मरणाची खबर दिली.
सकाळीं ११.४० वरांचे सुमाराक एक पोरणे विमान दर्यांत पडलें आनी तें जोन्स जुंव्याच्या उत्तर तोंका लागीं बुडलें. फेडरल एव्हिएशन असोसिएशनाच्या म्हणण्या प्रमाण त्या वेळार ‘बीच ए-४५’ हो एकूच पायलट आशिल्लो. ‘अपोलो ८’ चेर कमांड मॉड्यूल आनी सेवा मॉड्यूल काम करता हाची खात्री करपा वांगडाच ताचो पर्यावरणीय परिणाम पळयल्यार, तांचें सगळ्यांत म्हत्वाचें योगदान म्हळ्यार अंतरिक्षांतल्यान तांणी घेतिल्लो उदेंते वटेनचो धर्तरेचो फोटो अशें विल्यम अँडर्स हांणी सांगलें. हो फोटो अंतरिक्षांतल्यान धर्तरेची पयलो रंगीत फोटो आशिल्ल्यान, आर्विल्ल्या इतिहासांतलो हो एक म्हत्वाचो फोटो. अंतरिक्षांतल्यान धर्तरी कितली नाजूक आसा हें दाखोवपा खातीर संवसारीक पर्यावरणीय चळवळ सुरू करपाचें श्रेय ह्या फोटोक दितात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
