भांगरभूंय | प्रतिनिधी
पर्वरी, प्रतिनिधी : केरीचे विद्यार्थिनीचें अपहरण करपाचो यत्न करपी प्रकरण आयज सभाघरांत गाजलें. तें सरकारान खरपणान घेतलां. हे फाटभूंयेर शाळा वाठारांनी पुलीस दवरतले आनी सीसीटीव्ही बसयतले, अशें आयज मुख्यमंत्री डॉ. प्रमोद सावंत हांणी सभाघरांत सांगलें.
मजगतीं, फाटल्या सप्तकांत केरी- सत्तरीच्या रावण सरकारी मुळावे शाळेंतले एके विद्यार्थिनीचें अपहरण करपाचो यत्न फाटल्या सप्तकांत जाल्लो. तेन्ना ते विद्यार्थिनीन धिटायेन स्वताची सुटका केल्ली. हें प्रकरण आयज सभाघरांत मांडलें. हाचेर मुख्यमंत्री डॉ. सावंत हांणी विद्यार्थ्यांचे सुरक्षितताये खातीर खर पावलां उबारिल्ल्याचें सांगलें. सकाळीं शाळा भरपाच्या वेळार आनी दनपरां शाळा सुटपाच्या वेळार सगळ्यां शाळांच्या वाठारांत पुलीस दवरतले. तशेंच ह्या वाठारांनी सीसीटीव्हीय बसयतले अशें आस्वासन आयज सभाघरांत मुख्यमंत्र्यानी दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
