आतां वीज बिलांय वाडपाची शक्यताय : गिरायकांचेर पडटलें ’फिक्स चार्ज’चें वजें
भांगरभूंय | प्रतिनिधी
नवी दिल्ली: सीएनजी, पेट्रोल आनी डिझेलच्या दरांत जाल्ले वाडी फाटल्यान आतां सामान्य लोकांक विजेचें बिलूय चड येवपाची शक्यताय आसा. सेंट्रल इलेक्ट्रीसिटी ऑथोरिटीन (CEA) म्हयन्याचो फिक्स चार्ज (थरावीक शुल्क) वाडोवपाचो प्रस्ताव मांडला. हाका लागून कमी वीज वापरपी गिरायकांचेंय बिल वाडूंक शकता.
एका राश्ट्रीय दिसाळ्याचे खबरे प्रमाण, हो प्रस्ताव वीज वितरक कंपनींक (discoms) जावपी नुकसान भरून काडपाक मदत करतलो. चडशीं गिरायकां रूफटॉप सोलर सिस्टीम वटेन वळल्यात आनी उद्देग धंदे स्वायत्त उर्जा निर्मितीचेर (captive power) पातयेवन आसात.
- महसुलांत घट: ह्या गिराय ग्रीडचेर फकत बॅकअप खातीर पातयेवन आसतात आनी कंपनीं कडल्यान कमी वीज विकती घेतात, जाका लागून कंपनींचे जोडीक मार बसता.
- सध्याची वसुली पद्धत: सध्या वीज कंपनीं आपल्या फिक्स खर्चाची चडशी वसुली थारावीक म्हयन्याच्या शुल्कांतल्यान न्हय तर दर-युनिट विजेच्या दरांतल्यान करतात. देखून जेन्ना विजेचो वापर उणो जाता, तेन्ना कंपन्यांच्या महसुलाचेर वायट परिणाम जाता.
वीज कंपनींचो ट्रान्समिशन इन्फ्रास्ट्रक्चर, कर्मचार्यांचे पगार, आनी नेटवर्क राखणेचो खर्च सुमार ३८ ते ५६ टक्के इतलो आसता. पूण, फिक्स म्हयन्याच्या शुल्कांतल्यान कंपनींक फकत ९ ते २० टक्के इतलोच महसूल मेळटा. कोणाचेर कितलो परिणाम जातलो? (२०३० मेरेनचो आराखडो)
CEA न टप्प्याटप्प्यान फिक्स चार्ज वाडोवपाचो प्रस्ताव दिला.
घरगुती आनी शेतकी गिरायक- २५ टक्के मेरेन वाड
इंडस्ट्रियल, कमर्शियल आनी इन्स्टिट्यूशनल ग्राहक- २०३० मेरेन १०० टक्के खर्च वसुली
ह्या प्रस्तावांत रूफटॉप सोलर वापरपी आनी नेट- मिटरिंग (net-metering) सिस्टीम आशिल्ल्या गिरायकां खातीर वेगळी टॅरीफ रचना सुरू करपाची शिफारस केल्या.
हो प्रस्ताव बेगीनच ’फोरम ऑफ रेग्युलेटर्स’ मुखार दवरपांत येतलो. जर हो प्रस्ताव लागू जालो, तर गिरायक विजेचो वापर कमी करतात वा चड, तांकां दर म्हयन्याक एक थरावीक चड रक्कम सक्तीन दिवचीच पडटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
