भांगरभूंय | प्रतिनिधी
नवी दिल्ली, खबरां संस्था ः आधार हो आमच्या देशांतलो म्हत्वाचो दस्तावेज. पूण जायते फावटीं आमी तें शेंणटले ह्या भंयान आमचे कडेन दवरिनात. पूण आतां आधार कार्डाची व्हर्च्युअल कॉपी (पीडीएफ फायल) डाउनलोड करूंक शकतात जी सदांच तुमचे कडेन उरतली.
हाचे खातीर तुमकां कसलेंच शुल्क भरचें पडचें ना आनी तें सगळे कडेन वैध आसा. यूआयडीएआयच्या प्रमाण आधार कार्ड जारी करपी संस्था, व्हर्च्युअल आधार वा ई-आधार हीय आधार कार्डा सगळी कडेन वैध आसा.
डाउनलोड करपाची पद्दत
१. सगळ्यांत पयलीं UIDAI myaadhaar.uidai.gov.in/ ह्या अधिकृत वेबसायटीक भेट दियात.
२. हाचे उपरांत My Aadhaar विभागांत वचून Download Aadhaar हाचेर क्लिक करात.
३. हाचे उपरांत फुडल्या पानाचेर तुमकां Download Aadhaar पर्याय मेळटलो. ताचेर क्लिक करात.
४. हाचे उपरांत आधार क्रमांक आनी कॅप्चा घालात आनी मागीर Request OTP बटणाचेर क्लिक करात.
५. युआयडीएआय कडल्यान मोबायलाचेर ओटीपी धाडटले. तो घालात आनी मागीर Download Aadhaar हाचेर क्लिक करात.
६. आधार डावनलोड केल्या उपरांत नांव आनी जल्म वर्साची पयली चार अक्षरां घालून पीडीएफ फायल उगडात.
आधार कार्ड इबाडल्यार नवो बेस तयार करूं येता
तुमचें आधार कार्ड शेंणले वा तुमचें पोरणें आधार कार्ड इबाडलें जाल्यार तुमकां घरांत बसून नवे आधार कार्ड सहजपणान मेळूं येता. इतलेंच न्हय तर पीव्हीसी आधार कार्डय ऑर्डर करूं येता. पॉलीव्हिनिल क्लोरायड कार्डांक पीव्हीसी कार्ड अशें म्हण्टात. हें एक प्रकारचे प्लास्टीक कार्ड, जाचेर आधार कार्डाची म्हायती आसता. जे तुमी आधार कार्ड म्हूण वापरु शकता.
पीव्हीसी आधार कार्ड करपाची प्रक्रिया
१. हाचे खातीर तुमकां यूआयडीएआय संकेतथळार ऑनलायन अर्ज करचो पडटलो.
२. उपरांत 12 अंकांचो आधार क्रमांक घालचो पडटलो.
३. हाचे उपरांत तुमकां सुरक्षा कोड वा कॅप्चा घालचो पडटा.
४. ओटीपी खातीर ओटीपी सेंड हाचेर क्लिक करात.
५. हाचे उपरांत नोंदणीकृत मोबायलाचेर मेळिल्लो ओटीपी दिल्ल्या रिकाम्या जाग्यार भरून सबमिट करात.
६. हाचे उपरांत ‘माय आधार’ विभागांत वचून ‘ऑर्डर आधार पीव्हीसी कार्ड’ हाचेर क्लिक करात.
७. ते उपरांत तुमकां तुमची म्हायती हांगा दिसतली. मागीर फुडलो (Next) पर्यायचेर क्लिक करात.
८. हाचे उपरांत तुमकां सकयल दिल्ल्या पेमेंट पर्यायाचेर क्लिक करचें पडटलें.
९. थंय तुमकां क्रेडीट/ डेबिट कार्ड, नेट बँकिंग आनी यूपीआयचे पर्याय मेळटले.
१०. हाचे उपरांत तुमकां 50 रुपया शुल्क जमा करचें पडटलें.
११. पेमेंट पुराय केल्या उपरांत तुमची आधार पीव्हीसी कार्ड ऑर्डर प्रक्रिया पुराय जातली.
१२. ही प्रक्रिया पुराय जातकच युआयडीएआय 5 दिसां भितर आधार छापून इंडिया पोस्टाक दितले.
१३. हाचे उपरांत टपाल खातें स्पीड पोस्टा वरवीं तुमच्या घरांत पावयतलें.
तुमी हें कार्ड ऑफलायन लेगीत करुं शकतात. ते खातीर तुमका आधार केंद्राचेर वच्चें पडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
