भांगरभूंय | प्रतिनिधी
वाहन प्रशिक्षण संस्थे कडल्यानूय ड्रायव्हींग लायन्स घेवं येता!
नवी दिल्ली, खबरां संस्था: पिरायेच्या अठरा वर्सां उपरांत भारतांत ड्रायव्हिंग परवान्या खातीर व्यक्ती अर्ज करपाक शकतात. परवान्या खातीर अर्ज केल्या उपरांत आरटीओ ऑफिसांत वचून परिक्षा घेवची पडटाली. मजगतीं, आतां भारत सरकारान ड्रायव्हिंग लायसन्साच्या नेमांत खूब बदल केल्यात. आतां ड्रायव्हिंग लायसन्स जाय जाल्यार आरटीओ ऑफिसांत वचपाची गरज ना.
१ जून सावन हे नवे नेम लागू
सरकाराच्या नव्या नेमा प्रमाण आतां वाहन प्रशिक्षण संस्थे कडल्यानय वाहन चालक परवानो घेवंक मेळटलो. हे खातीर तुमकां कांय कागदपत्रां भरचीं पडटलीं. १ जून सावन हो नेम लागू जातलो. हे खातीर तशी अधिसुचोवणी जारी केल्या. हे अधिसुचवणे प्रमाण आतां खंयच्या वाहन प्रशिक्षण संस्थेचेरूच तुमी ड्रायव्हिंग लायसन्सा खातीर परिक्षा दिवपाक शकतात. तशेंच ड्रायव्हिंगचें प्रशिक्षणूय घेवपाक शकतात.
खंयच्या ड्रायव्हिंग शाळेंतल्यान ड्रायव्हिंग लायसन्स मेळूं येता?
आतां ड्रायव्हिंग परवान्या खातीर आरटीओ ऑफिसांत वचपाची गरज ना. मात खंयच्याय ड्रायव्हिंग शाळेंतल्यान तुमकां ड्रायव्हिंग परवानो मेळचो ना. सरकारच्यो अटी पुराय करपी ड्रायव्हिंग स्कुलांकूच लोकांक वाहन चलोवपाचो परवानो दिवपाक मेळटलो. ताका लागून सरकाराच्यो खंयच्यो अटी पाळच्यो पडटल्यो हें मुखार पळयात:
वयल्यो अटी पाळपी प्रशिक्षण केंद्राकूच ड्रायव्हींग लायसन्स दिवपाचो अधिकार आसा.
रस्त्यार अपघात जावचे न्हय हे खातीर सरकारान आरटीओच्या हेर नेमांतय बदल केल्यात. सरकार बेगीनूच टप्प्याटप्प्यान णव लाख पोरणी सरकारी वाहनां रद्दींत उडयतलें. चड वेगान वचपाची ख्यास्त १००० ते २००० रुपया मेरेन वाडोवपाची शक्यताय आसा. भुरग्याची पिराय १८ वर्सां सकयल आसल्यार आनी नेम मोडल्यार ताच्या पालकां कडल्यान २५ हजार दंड घेवपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
