भांगरभूंय | प्रतिनिधी
लंडन, खबरां संस्था: संशोधकांक कसलोय नवो सोद लायले बगर न्हिद पडना. अशे नवे नवे सोद लायिल्ल्यान मनशाची जीण आनीक सुखी जाता. कांय आविश्कार मनशाच्या इतिहासांत बदल करपाक सक्षम आसतात जाल्यार कांय आविश्कार दिका बदलपी थारतात. मनशाचे जिणेंतली गती, चवकटीची प्रवृत्ती वाडिल्ल्यान आनी भलायके विशीं जागृताय हाका लागून उदका सारकिल्ली गजाल बाटलेंत बंद जावन आयल्या. मात ह्या प्लास्टीक बाटल्यांनी प्रदुशणाचो भार वाडला.
संशोधकांनी एक नवो सोद लायला, जो प्रदुशण उणें करपाक आनी निवळ उदक पिवपाक मदत करतलो. तातूंत उदक पियेल्या उपरांत जातूंत हें उदक भरिल्लें आसा ती बाटली वा बलून खावपाकूय मेळटलो. जर खावपाचें आनी आनी तें उडोवपाचें आसल्यार कांयच त्रास ना. तो सहज डिग्रेड जातलो आनी ताका लागून कसलेंच प्रदुशणूय जावचें ना.
‘आहो’ नांवाची ही फुगपी बाटली रॉयल कॉलेज ऑफ आर्टस आनी इम्पेरियल कॉलेज लंडनच्या संशोधकांनी तयार केल्या, जी रोडिग्रो गार्सिया गोंगालेज हांच्या फुडारपणा खाला आसा. ही बाटली जिलेटीना पसून तयार करतात. तातूंत फकत उदक न्हय तर खंयचोय द्रव भरूं येता असो संशोधकांचो दावो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
