आची बॉयज पंगड जिखलो

सॅव्हॅन ए सायड फुटबॉल सर्तीचें वस्तादपण जोडपी आची बॉयजाच्या पंगडाक इनाम भेटयतना युरी आलेमांव.

भांगरभूंय | प्रतिनिधी

फ्रॅण्ड्स सर्कल ऑफ एव्हीसीसी बॉयजान आयोजीत केल्ले दुसरे अखील गोंय पांवड्या वयले सॅव्हॅन ए सायड फुटबॉल सर्तीचें वस्तादपण आची बॉयजान मेळयलें.

ल्युक डिकोस्ता हांच्या उगडासाक सर्तीचें आयोजन केल्लें. आची बॉयजान फायनलींत असोळणेंच्या इस्ला मार्गारिट पंगडाक 4-1 अशा गोल फरकांनी हारयलो. वस्ताद आनी उप वस्ताद पंगडाक आकर्शक इनामां भेटयलीं. इस्ला मार्गारिटा पंगडाच्या देवाची उत्कृश्ट गोलकीपर आनी आची बॉयजाच्या अॅस्टन आनी स्टॅलीन हांची वळेरेन सगल्यांत चड गोल आनी उत्कृश्ट डिफॅण्डर पुरस्कारा खातीर निवड जाली.

इनामां भेटवण सुवाळ्याक कुंकळ्ळीचे आमदार युरी आलेमांव, लिओना डिकोस्ता, फिलोमेन फर्नांडीस, लुसिया बाप्तिस्ता आनी डॅनीस बाप्तिस्ता हे उपस्थीत आशिल्ले.