भांगरभूंय | प्रतिनिधी
भांगरभूंय । प्रतिनिधी
काणकोणः आगोंद पंचायत मंडळातली एक पंच वागडी करूणा फळेदसाय हिणे आपल्या पंगडांतलो पंच वांगड्या आड काणकोण पुलीस स्टेशनांत आपलो अपमान केल्ले खातीर कागाळ करपाचो प्रकार घडलो.
करूणा फळदेसाय हिच्या वॉर्डांत एका बांदकामाक पंचायत मंडळान ना हरकत दाखलो दिला. मात ते संबंदी आपल्याक कसलीच कल्पना दिली ना अशें तिचें म्हणणे आसा. हे संबंदी सरपंचा कडेन खुलासो मागपा खातीर पंचायत कार्यालयांत गेल्ले कडेन सरपंच मेळपाक शकली ना. मात तेन्ना सरपंचाच्या कॅबिनात आशिल्ल्या पंच वांगड्या कडेन जो बांदकाम करता ताचो फोन नंबर आपणे मागलो तेन्ना तांणे वायट उतरांनी आपलो अपमान केलो अशें फळदेसाय हिणे कागाळेंत नमून केला.
हे संबंदी काणकोणचो पुलीस निरीक्षक चंद्रकांत गांवस हाका विचारलें तेन्ना दोनूय पंच वांगड्यांक पुलीस स्टेशनांत आपोवन हें प्रकरण मिटयलां अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
