भांगरभूंय | प्रतिनिधी
फाटलांव करीत विरेशान गाडी केली फ्लायिंग स्क्वोडाच्या सुवादीन
पणजी, प्रतिनिधी: सांत आंन्द्रेचो आदलो आमदार फ्रान्सीस सिल्वेर हांची एक काळ्या हारश्यांची गाडी पयशे वाटतांना भोवता, असो आरोप करून सांत आन्द्रेचो आरजीपीचो आमदार विरेश बोरकरान फिल्मी स्टायलीन गाडयेचो फाटलाव करून ती फ्लायिंग स्क्वोडाच्या स्वाधिन केली. फ्लायिंग स्क्वोडान गाडयेेची पळोवणी करून ती आगशे पोलिसांच्या ताब्यात दिली.
विरेश हांनी दिल्ले म्हायतीनुसार, आगशीच्या पाया वाठारात फ्रान्सीस सिल्वेर हांचो भाव आंतोन सिल्वेरा हांची काळ्या आरश्याची गाडी पैशे वाटतांना दिश्टी पडली. आमी रोखडोच फ्लायिंग स्क्वोडांक फोन मारलो आनी आमका पळयल्या उपरांत हे गाडयेन फुज्ज्यो काडल्यो.
विरेशान आपल्या गाडयेंतल्यान हे काळे आरशे आशिल्ले गाडयेचो फाटलाव करत सगळे घडणीक फेसबुकाचेर लायव्ह केली. गाडयेचो पाठलाव करतना ती गाडी खंय पावलां हाची म्हायती वेळावेळार तो फ्लायिंग स्क्वोडांक दितालो. ही गाडी हायवे सोडून बारीक रस्त्यावेल्यान एक बंगल्या कडे रावली आनी गाडयेतलो ड्रायव्हर देवून बंगल्यात वचून परत आयलो आनी गाडी परती घेवन गेलो. आमकां चुकोवपा खातीर बारीक रस्त्यातल्यान ताणें गाडी घाली. पुण आमी दिल्ले म्हायतीच्या आधारान फ्लायिंग स्क्वोडान ती धरली, अशे विरेश हांणी सांगलें.
फ्लायिंग स्क्वोडाच्या अधिकाऱ्यांनी ताची पळोवणी केली आनी उपरांत फुडले कारवाय खातीर ती जप्त करून आगशे पुलिसांच्या ताब्यान दिली. अश्यो कितल्योश्योच गाड्यो सिल्वेरा हांच्यो आसात जे आतां रातच्या वेळार पयशे वाटपांक भोवतले. भाजप सामकी भियेल्या देखून असली नाटकां तांणी चालूच दवरल्या. लोकांक पयशे दिवन मत विकत घेवपांचे तांचे कारस्थान. पुण लोकांनी सादूर रावपाची गरज आसा हे मनीस फक्त वेचणुकेंकच तुमच्या दारांर येतले मागीर तुमकां विचारचे देखून ना. हांका धडो शिकोवपाचो वेळ आयला, असो उलो विरेश हांणी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
