भांगरभूंय | प्रतिनिधी
तरेकवार जातींचे आंबे पळोपाची रसिकांक मेळटली संद
पणजी, प्रतिनिधीः मानकुराद, अल्फांसो, मालदेस, साकरी अशा तरेकवार जातींचे आंबे राज्यांत आसा. गोंयचो मानकुराद आंबो हो पुराय देशांत फामाद आसा. राज्यांत आशिल्ल्या आंब्याच्या जातींची नोंद दवरपा सयत तांची जतनाय घेवपाच्या हेतान शेतकी खात्यान दोन दीस आंब्याचे प्रदर्शन (मँगो शो) घडोवन हाडला. 17 आनी 18 मेंक पणजे कला अकादमीत हे प्रदर्शन जातलें.
शेतकी संचालक नेविल आफोंसो हांणी ही म्हायती दिली. राज्यांत आंब्याची लागवड करपी शेतकार ह्या प्रदर्शनात वांटो घेवंक शकतात. विभागी शेती कार्यलयात प्रवेश अर्ज उपलब्ध आसा. वांटो घेवंक इत्सुक आशिल्ल्यांनी 16 मे मेरेन अर्ज करचो. 17 मे दिसा प्रदर्शन थळाचेर पसून इत्सुकांक प्रवेश मेळटलो. प्रदर्शनात वांटो घेवपी शेतकारांनी दरेकी जातींचे 3 आंबे प्रदर्शनात मांडपाक जाय. शेतकार प्रदर्शनात आपणाक जाय तितल्यो प्रवेशिका सादर करूं शकतात. तशेंच प्रदर्शनात आंब्या सावन तयार जावपी खावपाच्या पदार्थांची सर्त जातली. लोणचे, जॅम, साठां तशेंच हेर पदार्थांचें प्रदर्शन आसतले. सर्ती खातीर इनामां आसतलीं. पयलें इनाम 3 हजारांचें, दुसरें 2 हजारांचें जाल्यार तिसरें इनाम 1 हजारांचें आसा. प्रदर्शना निमतान तरेकवार जातींचे आंबे पळोपाची संद लोकांक मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
