भांगरभूंय | प्रतिनिधी
मुख्यमंत्री चंद्राबाबू नायडू हांची घोशणा
अमरावती: आंध्र प्रदेशांत देंवत वचपी लोकसंख्येच्या दराक आडो घालपाच्या उद्देशान, मुख्यमंत्री एन. चंद्राबाबू नायडू हांणी तिसर्या भुरग्याच्या जल्माचेर ३०,००० रुपया आनी चवथ्या भुरग्याच्या जल्माचेर ४०,००० रुपया रोख इनाम दिवपाची व्हड घोशणा केल्या.
श्रीकाकुलम जिल्ह्यांत एके जाहीर सभेंत उलयतना तांणी हो निर्णय जाहीर केलो. ह्या निर्णयाविशीं सविस्तर म्हायती एका म्हयन्याभितर जारी करतले, अशें तांणी सांगलें. पीटीआय हे वृत्त संस्थेन दिल्ले म्हायती प्रमाण, नायडू हांणी सांगलें, हांवें एक नवो निर्णय घेतला. आमी तिसर्या भुरग्याच्या जल्मा उपरांत रोखडेच ३०,००० रुपया आनी चवथ्या भुरग्या खातीर ४०,००० रुपया दितले. हो निर्णय योग्य न्हय?
भुरगीं म्हणल्यार देशाची संपत्ती
राज्यांतल्या उण्या जायत चलिल्ल्या लोकसंख्या वाडीच्या दराचेर मुख्यमंत्री नायडू हांणी हुस्को उक्तायलो. भुरग्यांक वजें मानचे सुवातेर तांकां देशाची संपत्ती मानचें, असो उलो तांणी मारला. एका काळार लोकसंख्या नियंत्रणाचो पुरस्कार करपी मुख्यमंत्र्यांनी आतां काळाची गरज वळखून, समाजान जल्म दर वाडोवपा खातीर एकठांय येवन वावर करपाची गरज आशिल्ल्याचे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
