भांगरभूंय | प्रतिनिधी
दिवचल: बार्देस म्हालांतल्या आस्नोड्यां हांगा काम करतना वीज कर्मचारी मंथन आरोस्कार (30, म्हावळींगें ) हाका लायटीचो शॉक लागून मरण आयलें. ड्युटीचेर आसतना ताका हो शॉक लागलो. ह्या तरणाट्याक अशे तरेन मरण आयिल्ल्यान वाठारांत सगल्याक धक्को बसला.
हे विशीं मेळिल्ले चड म्हायती प्रमाण, मंथन आरोस्कार झाडाच्यो खांदयो कापतालो. ह्या वेळार ताका अचकीत खर लायटीचो शॉक लागलो. उपरांत ताका रोखडोच उपचारा खातीर व्हेलो; पूण दोतोरांनी ताका मरण आयिल्ल्याचें सांगलें.
हे घडणुकेक लागून ह्या वाठारांत दुख्ख पातळ्ळां. मरण नेमकें खंयचे परिस्थितींत आयलें हें सोदून काडपा खातीर चवकशी करप चालू आसा. वीज खात्यानय हे घडणुकेची चवकशी करपाक सुरवात केल्या. कोलवाळ पुलीस ह्या प्रकरणाची फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
