भांगरभूंय | प्रतिनिधी
पणजीः सुवेंदू अधिकारी हांच्या फुडारपणा खाला भाजपा सरकारान अस्तंत बंगालांत नव्या युगाची सुरवात केल्या अशें मुख्यमंत्री डॉ. प्रमोद सावंत हांणी म्हणलें.
अस्तंत बंगालचे मुख्यमंत्री म्हूण सोपूत घेतिल्ल्याम सुवेंदू अधिकारी आनी हेर मंत्र्यांक मुख्यमंत्री डॉ. सावंत हांणी परबीं दिलीं.
अस्तंत बंगाला खातीर ही नव्या युगाची सुरवात आसा अशें मुख्यमंत्र्यान सांगलें. अधिकारीजींच्या गतीशील फुडारपणा खाला आनी मानादीक प्रधानमंत्री नरेंद्र मोदी हांच्या मार्गदर्शना खाला आनी आदारान ‘डबल इंजिन सरकार’ राज्यभर समावेशी आनी सर्वांगीण उदरगतीची गती वाडयतलें अशें तांणी सांगलें. अस्तंत बंगालांत नवी संद, घटमूट प्रशासन, मुळाव्या साधनसुविधांची उदरगत, वंचितांक सशक्तीकरण आनी अंत्योदयाचे दिकेन जावपी उदरगत पळोवपाक मेळटली.
मुख्यमंत्र्यांन अधिकारीजींक अस्तंत बंगालच्या जनतेच्या सेवेंतल्या येसस्वी कार्यकाळा खातीर शुभेत्सा दिल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
