अवजड वाहनांं बंंद केले उपरांंतूय ट्रॅफीक जॅम

स्मार्ट सिटीच्या कामांक लागून पणजेंत जाल्ली येरादारीची कोंयडी.

भांगरभूंय | प्रतिनिधी

पणजी : अटल सेतू येरादारीक बंंद केले उपरांंत पणजेंत ट्रॅफीक जॅम जावप सेगीत सुरू आसा. सकाळच्या वेळार अवजड वाहनांंचेर पणजेंत येवपाक बंंदी घातले उपरांंत लेगीत ट्रॅफीक जॅम जावपाचे प्रमाण उणें जावंंक ना.

बुधवारा संवसार पाडव्याची सुटी आशिल्ली. सुटये दिसा पणजेंत येवपी लोक तशेंच वाहनांंचो आंकडो उणो आसता. हाका लागून बुधवारा ट्रॅफीक जॅम जालें ना. बिरेस्तारा मात मेरशी जंंक्शन तशेंच मांंडवी पुलाच्या दोनूय वटांनी वाहनांंच्यो रांंगो लागल्यो.

मेरशी जंंक्शना वेले एआय सिग्नल बंंद आसा. जी 20 शिखर परिशदेक लागून पणजेंतल्या रस्त्यांंचें हॉट​ मिक्सींग सुरू आसा. पाटो पुला वेलो एके वटेनचो रस्तो बिरेस्तारा येरादारीक बंंद आशिल्लो. हाका लागून येरादारीची कोंयंडी जाली. पणजेत स्मार्ट सिटीचीं कामांं सुरू आसा. स्मार्ट सिटीच्या कामाचो लोकांं सयत दुचाकी चालकांंक त्रास जाता.